Prej vitesh ndarja e çmimeve Grammy është konsideruar si një prej momenteve më prestigjioze të muzikës, por këtë vit duket se shumë prej artistëve të nominuar jo vetëm që nuk do të performojnë në skenë, por nuk do të jenë prezentë as në sallë.
Sipas burimeve të TMZ, Kanye West, Justin Bieber dhe Drake kanë planifikuar bojkotin e ceremonisë që do të mbahet më 12 shkurt.
Pavarësisht faktit se Bieber është nominuar në katër kategori, 22 vjeçari nuk ka ndërmend të jetë prezentë gjatë spektaklit, madje ka planifikuar të jetë diku tjetër atë ditë.
A mendoni se për këtë vendim ka ndikuar lidhja e Selena Gomez me The Weeknd?
Nga ana tjetër Drake është tepër i zënë me turin e tij në Evropë dhe Amerikë, pavarësisht se është nominuar në tetë kategori nuk do të marrë pjesë në Grammys.
Ndërsa Kanye West e ka shprehur qëndrimin e tij që prej muajit tetorit të vitit të kaluar, kur tha se këto çmime diskriminojnë artistët me ngjyrë./ opinion.al
