330 bimë kanabisi dhe një kallashnikov janë gjetur sot në një fshat të Bulqizës, ndërsa një 56-vjeçar është arrestuar.
Burime zyrtare nga policia bëjnë me dije se, në pranga është vënë Sadik Fejza, banues në fshatin Val të Njësisë Administrative Martanesh, të Bashkisë Bulqizë.
Policia ka gjeur 320 bimë kanabisi të mbjella në tre parcela pranë banesës së Fejzas, dhe më pas ka arrestuar 56-vjeçarin si personi i dyshuar për mbjelljen e lëndës narkotike.
Gjatë kontrollit të ushtruar në banesën e tij, u gjetën një kallashnikov me një krehër me 3 fishekë si dhe rreth 10 bimë narkotike të kultivuara në kubik.
Mbi 56-vjeçarin rëndojnë akuzat për veprat penale: “Kultivim të bimëve narkotike” dhe “Prodhimi dhe Mbajtia pa leje e armëve luftarake dhe municionit”.
