Një ish- lojtar i ekipit të të rinjve të Napolit është qëlluar për vdekje këtë të premte, në një zonë të populluar të qytetit. Renato Di Giovanni, i cili dikur u shfaq në stolin e Napolit në sfidën përballë Arsenal, në Ligën e të Rinjve të UEFA-s, mësohet se u vra në një sulm mafioz në orët e para të mëngjesit në qytetin e Napolit.
Sipas mediave italiane, 21-vjeçari ndodhej përballë kishës Santa Maria di Montevergine, në Soçavo, kur ndodhi u qëllua disa herë me armë zjarri dhe ndërroi jetë në vend.
Di Giovanni, i cili për herë të fundit u shfaq te Napoli në 2014-ën, njihej nga policia për historitë e tij në lidhje me drogën.
Autori mësohet se udhëtonte me skuter dhe u largua me shpejtësi nga vendi i ngjarjes. Vrasja e të riut besohet se ka lidhje me Kamorrën, për shkak të marrëdhënies së 21-vjeçarit me famëkeqin ultras, Alberto Mattera. /tvklan.
