Jennifer Lopez ka treguar edhe një herë se kë mbështet në garën për zgjedhjet presidenciale. Ajo është një “fanse” e Hillary Clinton, dhe për ta mbështetur atë ka mbajtur një koncert falas.
Super ylli latin ishte pjesë e fushatës ‘Get Out The Vote’ në një koncert në Miami të Floridës, ku ka performuar edhe ish-burri i saj, Marc Anthony.
Ajo që ka tërhequr vëmendje ishte performanca e këngëtares, e cila vuri në pah asetin më të njohur të saj – të pasmet.
Pas kësaj, JLo ka hedhur edhe një “thumb” për kandidatin tjetër, Donald Trump, duke i kujtuar atij se ajo është një latine që jeton dhe ka bërë karrierë në Amerikë.
Koncerte në mbështetje të Clinton kanë mbajtur shumë yje, mes tyre edhe Katy Perry. Kujtojmë që zgjedhjet presidenciale në SHBA zhvillohen më 8 nëntor.
