Policia ka publikuar fotot e skafeve të sekuestruara të personit që dyshohet se ka goditur turistin rus, Denis Kaiumov.
Sipas Policisë, skafi drejtohej nga shtetasi Fatmir Kuçi, 44 vjeç, banues në Elbasan.
Kuçi është arrestuar, dhe skafi në fjalë është sekuestruar nga Policia.
Po ashtu, është sekuestruar edhe një skaf tjetër po në pronësi të tij.
“Policia ka sekuestruar dhe konfiskuar 2 mjete lundruese në përdorim dhe në pronësi të Kuçit : – mjetin lundrues skafplastik me mbishkrimin “Black Arrow”, 11.73 m i gjatë dhe 3.20 m i gjerë, me 3 motorë – 275 KF secili. – mjeti lundrues motordeti me emrin “Viktoria3”, pa dokumentacion përkatës”, shkruan deklarata e Policisë së Vlorës
