Këngëtarja Adelina Ismaili është duke pritur fëmijën e saj të parë. Edhe pse jashtë angazhimeve artistike prej kohësh, ky çast i rëndësishëm në jetën e saj, e ka kthyer në qendër të vëmendjes së medias. Duke qenë që këngëtarja jeton në Zvicër me partnerin e saj dhe qëndron larg komunikimit virtual me publikun, imazhet e saj gjatë këtyre muajve janë me pikatore, por emisioni Express Rozë ka siguruar ekskluzivisht foto të këngëtares ku duket paksa edhe barku i rritur në pritje të bebes.
Më parë, motra e saj postoi disa foto ku pamë portretin e Adelinës. Është mëse e dukshme që ajo ngelet një nga vajzat më të bukura të skenës shqiptare.
