Pas ngjarjes tragike në Stamboll dhe pas postimeve të kryeministrit Rama, për situatën në Stamboll ka postuar në instagram edhe Drejtori për Mediat në Kryeministri, Endri Fuga. Ai ka postuar një foto në makinë duke dalë nga zona e aeroportit, ndërsa në Twitter ai ka shprehur se është i lumtur që ka mbërritur mirë në Stamboll.
Kryeministri i Shqipërisë, Edi Rama dhe stafi i tij ka mbërritur në Turqi vetëm 5 minuta pas shpërthimit në aeroportin Ataturk të Stambollit i shoqëruar nga ministri Ahmetaj dhe deputeti Bashkim Fino. Avioni i kryeministrit Rama ka mbërritur pa probleme dhe menjëherë është lajmëruar në lidhje me ngjarjen e rëndë që ka ndodhur në Stamboll.
