2015 duket se ishte një vit i mbushur me ngjarje që do të lënë gjurmë në historinë e botës.
Nga sulmet e përgjakshme në Paris deri te martesat gay në SHBA. Kronologjia e ngjarjeve më të rëndësishme, atyre që kanë ngjallur më shumë diskutime në opinion publik e që me siguri do të ngrenë të tjera debate përgjatë 2016.
Ja disa nga ngjarjet më të rëndësishme sipas prestigjozes italiane “Internazionale”.
7 Janar, sulmi në redaksinë e Revistës Charlie Hebdo:
Dy burra të armatosur hapin zjarr ndaj stafit të revistës satirike duke vrarë 12 persona mes të cilëve drejtorin Stefan Charbonnier. Atentatorët ishin dy vëllezërit Said dhe Cherif Kouachi, që arritën të arratiseshin me makinë.
25 Janar- Siriza fiton zgjedhjet në Greqi
Partia e së majtës radikale, Siriz,a fiton zgjedhjet në Greqi me premtimin e rinegociatave për kushtet e ndihmës së imponuar nga kreditorët në Athinë. Fitorja e partisë së udhëhequr nga Aleksis Tsipras hap një debat të gjallë në Evropë, në lidhje me kushtet e antarësimit, të vendosura në vende të ndryshme të eurozonës.
19 Prill- Kriza e refugjatëve në Europë
Një anije peshkimi mbytet në natën ndërmjet 18 dhe 19 prillit në brigjet e Libisë , me të paktën 800 persona në bord. Vetëm 28 persona arrijnë të mbijetojnë. Sipas prokurorit në Catania , i cili ka mbledhur dëshminë e të mbijetuarve, incidenti i rëndë u shkaktua nga një manovër e gabuar e kontrabandistit, i cili shkaktoi përplasjen mes anijes së peshkimit që mbante emigrantë dhe një anijes së një tregtari.
Një seri tërmetesh me magnitudë 7.9 goditi Nepalin . Disa ditë më vonë , në 12 maj vendi u trondit nga një tërmet i dytë me magnitudë 7.3 dhe epiqendër në 76 kilometra nga kryeqyteti Katmandu . Rreth 8,800 njerëz vdiqën nën rrënoja dhe rrëshqitje të dheut u shkaktuan nga tërmeti. Pjesa më e madhe e popullsisë ka mbetur pa strehë.
26 Qershor- SHBA legalizon martesat gay
Gjykata Supreme e SHBA ka legalizuar martesat mes çifteve të të njëjtit seks në mbarë vendin. Pas vendimit të marrë me pesë vota pro dhe katër kundër , çiftet homoseksuale mund të martohen në 37 shtete dhe në Distriktin e Kolumbias .
14 Korrik -Marrëveshja mbi armët bërthamore të Iranit
Irani dhe grupi 5 + 1 ( pesë anëtarët e përhershëm të Këshillit të Sigurimit të OKB-së plus Gjermania ) arritën një marrëveshje historike mbi programin bërthamor të Teheranit. Pika qendrore e marrëveshjes është pezullimi gradual i sanksioneve kundër Teheranit në këmbim të vendosjes së kufijve dhe kontrolleve nga ana e fuqive perëndimore mbi programin bërthamor të Iranit.
13 Nëntor- Atentatet në Paris
21 burra të armatosur sulmuan dy restorante : Le Carillon , në rue Alibert , dhe Petit Le Cambodge , Rue Bichat . Burrat hapën zjarr mbi kalimtarët dhe njerëzit e ulur në tavolina . Në të njëjtën kohë tre shpërthime janë parë në disa minuta në afërsi të stadiumit Stade de France në Paris. Ngjarja shkaktoi solidarizimin e gjithë botës në luftën kundër terrorizmit.
23 Nëntor- Macri fiton zgjedhjet në Argjentinë
Konservatori Mauricio Macri , i cili udhëhoqi koalicionin opozitar Cambiemos, fitoi raundin e dytë të zgjedhjeve presidenciale argjentinase me 51.4 për qind të votave kundrejt kandidatit Daniel Scioli , të mbështetur nga Presidentja në largim, Cristina Fernández . Macri është një sipërmarrës i fuqishëm argjentinas , ishte kryetar i bashkisë së Buenos Aires dhe President i ekipit të futbollit Boca Juniors , një nga më të famshmit dhe të rëndësishëm në vend.
13 Dhjetor- Marrëveshja për klimën
Pas dymbëdhjetë ditëve negociata , Konferenca e Parisit miraton marrëveshjen për klimën ndërkombëtare , nënshkruar nga pothuajse 200 qeveri, duke përfshirë edhe ato të Kinës dhe Shteteve të Bashkuar. Dokumenti përfundimtar është paraqitur 16 orë më vonë se afati . Ajo do të hyjë në fuqi në vitin 2020. Vendet nënshkruese bien dakord për të kufizuar rritjen e temperaturës mesatare globale në 1.5 gradë, krahasuar me nivelet preindustriale.
18 Dhjetor- Një hartë për paqen në Siri
Në New York, përfaqësues të 15 vëndeve, përfshirë Shtetet e Bashkuara , Rusia dhe Irani , si dhe përfaqësues të opozitës siriane kanë kaluar një rezolutë të përbashkët nën drejtimin e OKB-së për të nisur një proces të paqes në Siri. Marrëveshja parashikon që negociatat formale mes qeverisë siriane dhe opozitës të fillojnë në janar të vitit 2016. Plani udhëzues synon gjithashtu të emërojë një qeveri kalimtare brenda gjashtë muajve dhe zgjedhjet brenda 18 muajve.
