Personi në foto është Denis Kasa,që u ekzekutua me kallashnikov mbrëmë në Fier, ndërsa dy shokët e tij Elton Margariti nga Patosi dhe Klement Kastrati nga Fieri mbetën të plagosur rëndë.
Ata ranë në pritë ne vendin e quajtur “Kthesa e mullirit të artë” në dalje të autostradës Lushnje-Fier.
Autorët dyshohet se kanë qëlluar me një armë tip kallashnikov në drejtim të makinës që udhëtonte viktima dhe 2 të plagosurit. Këta të fundit janë dërguar me urgjencë në spitalin rajon të Fierit ku ndodhen jashtë rrezikut për jetën.
Trupi i pajetë i 43-vjeçarit është gjetur rreth 20 metra larg automjeti tip Benz i gjithi i djegur, pranë së cilës është gjetur edhe një armë kallashnikov.
Disa metra më tutje policia ka gjetur një tjetër makinë e cila ishte edhe ajo në flakë. Dyshohet se autorët pasi kanë qëlluar me armë në drejtim të tre personave , janë larguar me një automjet tip “Toyota” me targa të huaja, të cilën e kanë djegur në mes të një are rreth 1 kilometër nga vendngjarja.
