Detaje të reja janë zbardhur për dy autorët e vrasjes së vëllait të kreut socialist të njësisë së Kaçinarit në Mirditë. Aleksandër Bardhi u vra në orët e para të mëngjesit.
Policia thotë se ka arrestuar dy të rinj si autorë të dyshuar të vrasjes së 47-vjeçarit Bardhi, në Shëndëlli të Konispolit!
Arrestohen në flagrancë: Fernando Deda, 29 vjeç, banues në fshatin Shëndëlli Konispol dhe Gj. A., 15 vjeç, banues në fshatin Shëndëlli, Konispol.
Gjatë një pune hetimore të pandërprerë Policia e Sarandës ka bërë të mundur identifikimin dhe arrestimin në flagrancë të dy shtetasve të larpërmendur, si autorët e dyshuar për vrasjen e shtetasit Aleksandër Bardhi, 56 vjeç, me banim në të njëjtin fshat.
Gjatë kontrollit të imtësishëm të ushtruar në banesën e shtetasit Gj.A., Policia ka gjetur dhe sekuestruar një armë zjarri të llojit “Automatik” model 56, e cila sipas hetimeve të kryera dyshohet të jetë arma e krimit e përdorur në lidhje me ngjarjen.
Policia ka kapur dhe arrestuar në flagrancë shtetasit e mësipërm në fshatin Shëndëlli, të cilët dyshohen se në bashkëpunim me njëritjetrin kanë kryer veprën penale “Vrasje me dashje, kryer në bashkëpunim”, për motive të dobëta.
Gjithashtu, Policia bën me dije se shtetasi Fernando Deda, ka rezultuar person i shpallur në kërkim dhe i dënuar me 5 vite burg për veprën penale “Trafikimi i mjeteve motorike”. Policia ka sekuestruar në cilësinë e provës materiale:
një armë zjarri automatikmodel 56,
një krëhër me 30 fishekë të kalibrit 7.62 mm,
26 copë fishekë të tjerë të të njëjtit kalibër.
