Ky që shihni në foto është Ajaz Ajazi, 63 vjeç, drejtor i shkollës 9-vjeçare në Kozare të Kuçovës. Dy ditë më parë, ai u vu në pranga pasi 3 nxënëse e denoncuan për ngacmim seksual.
Nga të dhënat e para të policisë, Ajazi dyshohet se kishte ngacmuar njëkohësisht prej prej tre muajsh, 3 nxënëse të shkollës 9-vjeçare.
Vajzat pasi kanë biseduar me njëra-tjetrën dhe kanë kuptuar që ishin të treja që drejtori ngacmonte seksualisht, u kanë thënë prindërve, të cilët më pas kanë bërë denoncimin në polici.
Burime të Policisë bëjnë të ditur se nxënëset në kallëzimin e tyre kanë paraqitur fakte që implikojnë drejtorin e shkollës në vepra të turpshme, për të cilat tashmë do të ketë edhe një hetim të thelluar nga ana e Prokurorisë së Rrethit Gjyqësor Berat. Të treja vajzat mësohet se kanë rrëfyer me detaje ngacmimet që u bënte drejtori i shkollës, i cili u mësonte atyre lëndën e Gjeografisë.
Gjatë arrestimit Ajazi nuk ka bërë rezistencë, por i ka kërkuar vëllait të tij që të qetësojë familjen sepse kjo gjë nuk është aspak e vërtetë dhe se drejtësia nuk do të vonojë.
Rrini të qetë se drejtësia do të zbardhë të vërtetat. Të lutem vëlla më qetëso familjen dhe vëllezërit e nipërit e mi se unë nuk kam kryer asgjë në lidhje me këtë denoncim”, ka thënë 63-vjeçari.
Njoftimi i policisë
Seksioni për Krimet ka bërë ndalimin e shtetasit: Ajaz Ajazi 63 vjeç, banues në Kuçovë, mësues gjeografie dhe drejtor i një shkolle 9 -vjeçare në Kuçovë.
Ndalimi i këtij shtetasi u bë pasi në bazë të kallëzimit të 3 nxënëseve të kësaj shkolle, dyshohet se shtetasi Ajaz Ajazi i ka ngacmuar seksualisht.
Kjo ngjarje dyshohet se ka ndodhur gjatë 3 muajve të fundit.
Materialet i kaluan Prokurorisë së Rrethit Gjyqësor Berat, për veprat penale ‘’Vepra të turpshme’’ dhe ‘’Ngacmim seksual’’, parashikuar nga nenet 108 dhe 108/a të Kodit Penal.
