Në afërsi të stadiumit të Kavajës, policia ndaloi një automjet tip “Volkswagen”, ku pas kontrollit fizik të personave në brendësi dhe në automjet gjeti një pistoletë, një automatik model 56, një thikë si dhe një palë pinca për prerje teli.
Në pranga përfunduan Gëzim Bizhdili, 34 vjeç dhe Hamid Skuqi, 36 vjeç, i cili ishte i shpallur në kërkim për vjedhje.
Arma automatike dhe pincat u gjetën në bagazhin e automjetit në pronësi të Bizhdilit.
Ndërsa pistoleta dhe thika iu gjetën Skuqit pas kontrollit fizik.
Ky i fundit ishte shpallur në kërkim policor, pasi është autor i dyshuar i vjedhjes më 30 dhjetor në banesën e shtetasit G. H., ku janë marrë disa krerë bagëti.
