Ish-portieri i njohur i skuadrës së futbollit Manchester United, danezi Anders Lindegaard dhe modelja kosovare, Mise Beqiri i kanë dhënë fund martesës së tyre. Çifti njoftoi ndarjen në një deklaratë të përbashkët, duke theksuar se djali i tyre i ri Julian është përparësia e tyre, raporton Hello.
“Për shkak të dallimeve të papajtueshme kemi marrë vendim të vështirë, për të jetuar jetë të ndarë”, ka shkruar ato. “Kujdesi për djalin tonë mbetet prioritet kryesor për të dy ne. Kërkojmë që të respektohet privatësia jonë, pasi kjo është një kohë e vështirë për ne”- kanë thënë ata.
