Nata e ndarjeve të çmimeve për artistët më të mirë amerikanë në muzikë ‘American Music Aëards’ mund të ketë lënë shijë të hidhur për shumë ca.
Prezantuesja e këtij eventi, Gigi Hadid, ndër të tjerash kishte vendosur të imitonte Zonjë e Parë në ardhje, Melania Trump, duke përdorur një theks jo të pastër amerikan, pasi që dihet se Melania me origjinë është sllovene.
Por kjo shfaqje teatrale e modeles Hadid nuk është pritur aq mirë nga shikuesit të cilët pa hezitim i kanë shkruar mendimet ku shumë prej tyre ishin edhe ofenduese.
Duke u ndier në faj, Hadid ka postuar një letër të hapur si kërkim falje për ata që mund të jenë ofenduar nga ajo skenë.
“Kam qenë e nderuar të prezantoj këtë edicion të “AMA’s” dhe të punoja me disa nga skenaristët më të mirë në këtë biznes. Kam bërë ndryshime e modifikime të skriptit për ato që kam menduar se mund të ishin pak të papërshtatshme. Por ndodhi çfarë ndodhi dhe un shpresoj të jetë marrë me humor të mirë dhe pa qëllime dashakeqe. Edhe unë kam qenë objekt talljeje për disa seriale por kam arritur të kapë atë anën pozitive. Besoj se Melania e kupton showbizin dhe mënyrën se si këta skenarë mund të shkruhen.
Kërkoj falje për ata që janë ndjerë të ofenduar dhe shpreh dëshirat më të mira për këtë vend”, shkruan në letrën e saj.
Edhe bashkëprezantuesi i Gigi Hadid, Jay Pharoah, ka shkruan në Facebook duke kritikuar kritikuesit, të cilët sipas tij kanë heshtur kur ish-Zonja e Parë ishte ofenduar me emra si majmun në take, gorillë, e fëlliqur dhe epitete tjera negative, kurse tash qojnë pluhur për një shaka të thjeshtë që s’kishte përfshirë as edhe më të voglën fjalë fyese. /ORAinfo/
