TIRANE- Ndryshe nga vitet e tjera kur më 14 Shkurt në Tiranë shihje qytetarë pa fund që mbushnin kafenetë dhe shëtisnin në kodrat e Liqenit Artificial, sot kryeqyteti ishte i blinduar. Në vend të çifteve me lule apo dhurata sot pamë shumë makina policie, shirita sigurie në rruget kryesore dhe sheshe, helikopterë që patrullonin nga ajri. Të gjitha këto për të ruajtur sigurinë e Sekretarit amerikan të Shtetit.
Por jo vetëm kaq, kjo ka qenë një ditë e vështirë për të gjithë ata që duhet të shkonin në punë apo në aktivitete të tjera (përpos festës) pasi lëvizja e mjeteve ishte paralizuar. Sidomos bllokimi i autostradës Tiranë-Durrës dhe rrugës së Rinasit ka qenë më shqetësuese për qytetarët. Gjithçka ndodhi sot në Tiranë deri në orën 14:00 kur John Kerry u largua nga Tiranë e dëshmojnë më së miri këto foto.
