Kur ka qenë hera e fundit që keni vizituar një muze? Ju duket e mërzitshme diçka e tillë?
Tashmë është koha që t’ju prezantojmë me pesë muzetë më spektakolare në botë të cilat kush nuk do të donte ti vizitonte.
Musee d’Orsay, në Francë
Ky muze u hap në Paris në vitin 1986 në një ish-stacion hekurudhor Beaux-Arts. Konceptuar për të kapërcyer hendekun midis koleksioneve të muzeut të Louvret dhe qendrës Pompidou, ajo fokusohet rreth artit në fund të shekullit të 19 dhe në fillim të shekullit të 20. Ajo ka grumbullimin më të madh në botë të pikturave impresioniste dhe post-impresioniste.
Guggenheim, në Spanjë
Ideja për muzeun erdhi përmes një bashkëpunimi midis autoriteteve Baske dhe fondacionit Guggenheim Solomon. Arkitekti kanadez Frank Gehry fitoi komisionin e projektimit dhe muzeu hapi dyert në tetor 1997. Ndërtesa mbresëlënëse qëndron në buzë të lumit Nervión në zemrën e vjetër industriale të qytetit.
Oscar Niemeyer Museum, në Brazil
Muzeu u hap në vitet 2002-2003 dhe mori nofkën ‘syri’ sepse ajo i ngjan një syri gjigand njerëzor ulur në një shtyllë të verdhë. Arkitekti legjendar brazilian i cili e ka projektuar atë (dhe i dha emrin e tij) ishte një figurë e rëndësishme në lëvizjen moderne.
British Museum, në Londër
Arkitekti Robert Smirke ka projektuar thelbin e këtij muzeu, i cili u hap në 1852, në një stil neo-klasik. Hyrja e saj u frymëzua nga Greqia e lashtë. Në vitin 2000 me një çati spektakolare qelqi e transformoi oborrin e brendshëm të muzeut në hapësirën më të madhe të mbuluar në Evropë.
Royal Ontario Museum, në Kanada
Ky muze i historisë natyrore, artit dhe kulturës është më i madhi në Kanada, me më shumë se gjashtë milionë artikuj në koleksionin e tij. Ajo ka një strukturë komplekse ngjyra-ngjyra prej qelqi dhe alumin në një kornizë çeliku.
Burimi: BBC/ Përshtati: Adela Zeneli/ Opinion.al
