James Belushi është aktori shqiptar i hollivudit të ardhurat e të cilit janë të mjaftueshme për të përballuar një shtëpi luksoze si kjo që duket nga fotot. Ajo ndodhet në një nga lagjet më të pasura të Los Angeles dhe në treg kap vlerën e 42 milion dollarëve.
Fotot janë publikuar nga revista “Architectural Digest”, që ka zhvilluar edhe një bisedë me aktorin e njohur 62-vjeçar.
“Nuk e kam ëndërruar kurrë një shtëpi si kjo. Nuk e kam menduar kurrë. Tani shtrihem në krevat natën dhe mendoj: Përse duhet të shkoj në hotel kur kam një dhomë të tillë?”, thotë ai për revistën.
Revista shkruan se babai i James ka qenë emigrant në Çikago, ku drejtonte një restorant, në të cilin punonin kur ishin adoleshentë edhe dy aktorët e njohur, James dhe vëllai i tij, John.
