Mijëra fshatra të shpërndara në Himalajet indiane mbijetojnë me prodhimin e Charas, një hashash prodhuar në Indi.
Në Indi, përdorimi i kanabisit daton që në tekstet e shenjta Veda dhe ka qenë një pjesë e ritualeve për një kohë të gjatë.
Cannabis indica, rritet në mënyrë agresive në shumë pjesë të Himalajeve, duke e bërë pothuajse të pamundur për autoritetet që të frenojnë prodhimin e saj.
Edhe pse i përhapur, nuk ka shifra zyrtare për kultivimin e kanabisit Charas në Indi pasi nuk është bërë asnjë studim mbi të.
Deri në fund të viteve 1980 kanabisi dhe opiumi ishin të ligjshme në Indi. Në përputhje me luftën globale kundër drogës, tanimë ajo është e ndaluar ligjërisht por e vërteta është se prodhimi dhe trafikimi ka lulëzuar, duke reflektuar çmimet e rritura në tregun ndërkombëtar.
Charas është konsideruar në mesin e hashashit më të mirë në botë: një gram kushton $ 20 në Perëndim, edhe pse prodhuesit e Charas fitojnë vetëm tek vendet që kanë në kufi.
Përmes fotove të mëposhtme do të kuptoni që ata bëjnë një jetë të përulur, larg modernitetit, në kushte ekstreme dhe pa jetesë alternative. Ata e konsiderojnë kanabisin një dhuratë nga Perëndia.
Pavarësisht ndryshimit të kursit ndërkombëtar mbi lëndët narkotike, debati për legalizimin në Indi është ende në një fazë embrionale.
Burimi: AlJazeera / Përshtati: Adela Zeneli/ Opinion.al
