Që prej ditës së nesërme e për gjashtë ditët e ardhshme në Kanada do të zhvillohet edicioni i 13 i Kampionatit Botëror të Notit FIFA.
Në të marrin pjesë rreth 100o notarët më të mirë nga më shumë se 170 shtete të botës, mes tyre edhe një 18 vjeçar shqiptar.
Ai është Franc Aleksi, djaloshi që për gjashtë muaj është stërvitur në mënyrë intensive në Amerikë në klubin “Colorado Springs” nga trajneri i specializuar Richard Shipherd.
Në krahasim me kilometrat e pakta që bënte gjatë stërvitjes në Shqipëri (5km), ai kohët e fundit në Amerikë ka bërë gati 16 kilometra notë për ditë, shkruan opinion.al.
Familja e tij shprehet e habitur nga transformimi i djalit të tyre në këto gjashtë muaj stërvitje në shtetin amerikan.
Stërvitja e Francit në Shtetet e Bashkuara të Amerikës është financuar nga ish Kreu i Misionit ndërkombëtar të vëzhgimit (OSBE-ODIHR), zonja Conny McCormack dhe bashkëshorti i saj, Austin.
Ai garon kryesisht në disiplinat 400M, 800M e deri në 1500M stil i lirë, ndërsa në Kanada,me rekomandimin e trajnerit të tij, Arian Fetishaj, ai do të marrë garojë në disiplinat 400M, 200M dhe 100M stil i lirë, megjithëse stili i tij i preferuar është delfini.
Sipas tij në këtë kompeticion ka hyrë me qëllimin e përmirësimit të rekordit të vet personal.
Më 8 prill 2016 Franci ka marr pjesë në eventin amerikan të notit në 1500M stil i lirë me kohën dhe ka realizuar kohën 16:25:09, ndërsa më 19 maj 2016, ai ka përfaqësuar Shqipërinë në Kampionatin Evropian, në Londër në pishinë 50m në garën 800M stil i lirë dhe ka shënuar kohën 8:35:10./ përgatiti opinion.al
