Ish-kryeministri Berisha ka postuar së fundmi një foto ku shfaqet një tren i lyer i tëri me ngjyrë lejla duke shkruar se “Partia siçiliste ka edhe trenin e vet mavijë”.
Por rezulton se ky tren është lyer i tëri me ngjyrë lejla jo nga Partia Socialiste apo Siçiliste, siç e quan së fundmi ish-lideri demokrat, por nga këngëtarja Elvana Gjata.
Burime pranë artistes kanë bërë të ditur për Blitz.al se ajo e ka përdorur këtë tren për videoklipin e saj më të ri, që pritet të publikohet në shtator të këtij viti, në bashkëpunim me Capital T.
“Lejla” titullohet bashkëpunimi dhe është kjo arsyeja se pse treni ka atë ngjyrë.
Një përgjigje për pyetjen “Pse lejla?” na e ka dhënë vetë Elvana në një postim në Instagram, ku thotë se kjo është ngjyra e besnikërisë, e pasurisë, e luksit, e pasionit, e romancës dhe e ndjeshmërisë.
