Selena Gomez dhe The Weeknd janë një prej çifteve më të komentuara të momentit, kjo për shkak të puthjeve publike që po bëjnë xhiron e rrjeti.
Dyshja ka disa muaj që po përflitet për lidhjen e tyre dhe tani duket se ka ardhur momenti për zyrtarizimin e saj.
Sipas site-it TMZ, Abel Tesfaye i ka kërkuar organizatorëve të festës së përvitshme që mbahet një ditë para ndarjes së çmimeve Grammy, të shtojnë emrin e Selenës si shoqëruesja e tij.
I njëjti burim ka konfirmua se 26 vjeçari e ka bërë kërkesën ditët e fundit, gjë që do të thotë se pushimet e tyre në Evropë kanë qenë frytdhënëse.
Edhe pse Selena Gomez këtë vit nuk është dominuar në ndonjë kategori, ajo ka qenë e ftuar, megjithatë ylli i hitit “Starboy” i ka kërkuar sërish organizatorëve të ndryshojnë vendin e saj në mënyrë urgjente, duke e ulur në krah të tij.
Fituesi i dy çmimeve Grammy është një prej emrave kryesorë që do të performojnë gjatë mbrëmjes madhështore që do të mbahet më 12 shkurt.
Të gjithë jemi kurioz të shohim nëse në mbrëmjen e ndarjes së çmimeve do të jetë modelja Bella Hadid, ish e dashura e The Weeknd…
