Lori Hoxha ka vendosur që të jetë më pranë ndjekësve të saj të shumtë duke i ftuar ata të bëjnë pyetjet që duan në llogarinë që blogerja ka në Tumblr. Lori u ka premtuar atyre se do të mundohet t’i përgjigjet një pjese të mirë dhe ashtu ka bërë vërtet.
Në Snapchat, Lori ka lexuar disa prej pyetjeve që i kanë bërë ndjekësit. Edhe pse shumë prej tyre kishin shkruar thjesht lavdërime për të dhe nuk kishin bërë asnjë pyetje, kishte nga ata të cilët ishin kuriozë, kryesisht mbi veshjet dhe aksesorët e saj.
Një ndjekës më kritik ka bërë pyetjen që në fakt ka kuriozuar publikun dhe portalet prej kohësh: “Pse Lori kopjon gjithmonë Kardashianët?” Dhe më në fund Lori i ka dhënë një përgjigje kësaj pyetjeje: “Sepse i dua. Më pëlqejnë”, – ka thënë ajo në mënyrë sportive, ndryshe nga sa mund të ketë menduar shumica se ajo do ta kundërshtonte këtë.
Ndërkohë, e pyetur nëse pëlqen më shumë Kim Kardashian apo Kylie Jenner, Lori është përgjigjur se pa dyshim pëlqen më shumë Kim.
/Blitz
