5 shkurti është një ditë e veçantë për këngëtaren Çiljeta, kjo për faktin se sot ajo feston ditëlindjen e saj, por edhe të vogëlushit Fernando.
Përmes një postimi në Instagram ajo i ka dedikuar atij fjalët më të bukura prej nënë.
“05.02.2013 ora 23:57 Dita dhe ora kur ne u takuam bashkë për herë të parë mbas 9 muajsh ëndërrime brenda në barkun tim ,ti i vogli im vendose të vije në jetë ditën e ditëlindjes të mamit tënd…
Kisha ëndërruar shumë për ty ato 9 muaj dhe gjithmonë të krahasoja me një diamant që shkëlqen në qiell …dhe ashtu erdhe dhe në jetën time atë mbrëmje të ftohtë shkurti si një diamant i Vogël që më ndriçoi jetën Faleminderit ALLAH me çfarë më ke bekuar në jetë.
Në këtë 32 vjetor të jetës time kam vetëm një dëshirë “Të jem e qeshur dhe e lumtur plot pozitivitet krahë njerëzve më të shtrenjtë që janë pjesë të jetës time ” Ndërsa ty i vogli im Fernando Allahu të bekoftë me shëndet e jetë për të tjerat do kesh mamin tënd tërë jetën afër që të arrish të plotësosh çdo ëndërr dhe arritje në jetë,”-përfundon postimi i Çiljetës në Instagram.
