Pescara do të luajë me dy futbollistë shqiptarë kundër Juventusit.
Rey Manaj ka fituar besimin e Oddos për të luajtur titullar ndaj Juventusit nesër në mbrëmje.
Sipas të përditshmes torineze “Tuttosport”, 19-vjeçari i Kombëtares shqiptare pritet të jetë sulmuesi i vetëm për miqtë në takimin e së shtunës në “Juventus Stadium”.
Manaj do të mbështetet nga talenti tjetër, Caprari, ndërsa në mesfushë pritet të jetë nga minuta e parë edhe kapiteni Ledian Memushaj.
Manaj gjatë këtij sezoni është aktivizuar në nëntë ndeshje (3 titullar), duke grumbulluar 375 minuta gjatë të cilave ka shënuar dy gola.
