Sulmuesi nga Mozambiku i Laçit, Arturo Rexhinaldo është dhunuar barbarisht gjatë ditës së sotme në Kamzë.
Ai së bashku me partneren e tij i janë drejtuar policisë për të bërë kallëzim kundër dhunuesve.
Ai është paraqitur në komisariatin numër 5 në Tiranë. I kontaktuar nga gazeta “Panorama Sport”, sulmuesi i Laçit, nuk pranoi të jepte detaje.
“Për këtë çështje nuk mund të flas tani, nuk mund të jap sqarime. Më mirëkuptoni…”, – është shprehur mozambikasi, i cili u bë i njohur në Shqipëri gjatë sezonit të kaluar me Luftëtarin, ndërsa këtë kampionat me Laçin ka shënuar 12 gola.
