Për herë të parë bëhet një investim publik nga bashkia në një nga zonat më të popullura në Tiranës, asaj të “Astirit” tek Unaza e Re. Është një kënd lojërash që mbledh çdo pasdite shumë fëmijë, duke qenë i vetmi vend argëtimi pa pagesë.
Në gjithë këto vite, zona e Unazës së Re është mbipopulluar, por nuk ka njohur asnjë investim. Nuk ka shkollë, kopshte, etj. veç pallate, kafe e dyqane.
Por Kryetari i bashkisë, Erion Veliaj që inauguroi sot këndin e ri të lojërave, tha se së shpejti do të ketë edhe një shkolle të re në këtë zonë.
“Ky park është vetëm fillimi për transformimin total që Bashkia e Tiranës ka planifikuar për zonën e “Astirit”, pra pjesë e Kasharit që deri dje konsiderohej fshat, kurse sot një lagje e bukur e Tiranës. Por, unë besoj që ajo që është më e rëndësishme është se jo vetëm të kemi një ambient ku fëmijët luajnë, por të sigurohemi që nesër me projektin e 20 shkollave të kemi edhe shkollën e re në këtë zonë”, tha Veliaj. /Opinion.al
