Mbrëmjen e djeshme në studion e emisionit “Opinion” u zhvillua debati me temë “Sherri i mediave Shqipëri – Kosovë”. Në media online si dhe në rrjete sociale ditët e fundit është krijuar një lloj konflikti për sa i përket marrëdhënies së Shqipërisë me Kosovën, “konflikt” ky i nxitur edhe nga vizita e fundit e kryeministrit Rama në Beograd.
Mes shumë të tjerash edhe çifti i këngëtarëve Vesa Luma dhe Big Basta kanë ndjekur me kureshtje debatin, madje ky i fundit ka shkruan një status në Facebook.
“Sinqerisht, nëse bëhet për herë të tretë tema “Shqipëri vs Kosovë” në Opinion, unë do ndahem nga Vesa Luma”- ka thënë ai me ironi dhe bashkëngjitur kësaj ka vendosur disa fytyra me lot si për të treguar se dashuria e tyre nuk njeh ndarje të tilla.
