Galaxy S8 i Samsung pritet të jetë një nga celularët më të mirë të vitit 2017, dhe data e lansimit të tij sapo është zbuluar.
Informacioni mbi datën e hedhjes në treg vjen nga Korea, saktësisht nga SamMobile, dhe thotë se Samsung nuk do ta publikojë celularin si zakonisht në Kongresin Botëror të Celularëve në shkurt.
Në vend të kohës së zakonshme, Samsung ka menduar ta lansojë celularin e ri në një ngjarje në Nju Jork në muajin mars, i cili nuk do të dilte në shitje më pas deri më 18 prill.
Gjithashtu, bëhet e ditur se Samsung do të përdorë një divizion të tij të baterive, për të furnizuar bateri për Galaxy S8 – në mënyrë që të mos shfaqen probleme si në Note 7.
