Kryeministri Edi Rama është një prej politikanëve më aktiv në rrjete sociale, si në Tëitter, Facebook apo edhe Instagram.
Këtë herë ka rënë në sy një veprim i tij në llogarinë zyrtarë në Instagram. Ndryshe nga pak ditë më parë, Rama sot ndjek vetëm një person dhe ai është djali i tij, Gregu.
Mirëpo më përpara kryeministri ndiqte gati 15 persona, mes të cilëve, ish-fotografja e tij Jutta Benzenberg, Barack Obama, fotografi i Shtëpisë së Bardhë, Pete Souza, Hillary Clinton, dhe disa të huaj të tjerë më pak të famshëm.
Ndërsa nga personazhet e vendit, ai ndiqte kryebashkiakun Erion Veliaj, Erjon Braçe, botuesen Arlinda Dudaj, aktorët Gent Hazizi dhe Florian Binaj si dhe prezantuesen Arbana Osmani.
Nuk dihet ende arsyeja e këtij veprimi drastik, më shumë mundësi ai do të ketë dashur të imitojë liderët botërorë që ndjekin pak ose aspak persona. Barack Obama për shembull në Instagram ndjek vetëm llogaritë që mbajnë emrin e fushatës së tij nëpër shtetet e SHBA.
