Pasi Monika Kryemadhi kishte deklaruar publikisht prej kohësh që nuk do të mbajë rolin e Zonjës së Parë të Presidentit të Shqipërisë, sepse ajo është zgjedhur edhe në krye të LSI, duket se ky rol i ka kaluar vajzës së madhe të familjes Meta, Borës. Ajo e ka shoqëruar ditën e djeshme babain e saj në një nga ditët më të rëndësishme të jetës së tij, në betimin si President i Shqipërisë, e shoqëruar po ashtu edhe nga motra dhe vëllai i saj.
Ajo që dihet është se për Bora Metën ka qenë një nga ditët më të rëndësishme edhe për pozicionin e veçantë që ajo kishte. Edhe dukjes së saj ajo i kishte kushtuar shumë rëndësi, pavarësisht se kishte zgjedhur të ishte sa më e thjeshtë dhe elegante.
Ajo që u vu re ishte se Bora kishte krehur flokë drejt, grimi ishte tepër i lehtë dhe i rregullt dhe po ashtu një fustan klasik një pamje të pëlqyeshme dhe serioze, që realisht nuk e kemi parë më parë në ato të pakta dalje publike që ajo ka, shkruan opinion.al
Teksa shihnim Borën krah Ilri Metës menjëherë në vjen në vëmendje edhe Ivanka Trump e cila shpesh herë e ka shoqëruar apo edhe ka zënë vendin e babait të saj Donald Trump në takimet me rëndësi ndërkombëtare. Nuk dihet nëse Bora do të jetë prezente në takimet zyrtare që Meta do të mbajë brenda dhe jashtë vendit, por një gjë dallohet qartë që Bora duket një natyrë e tërhequr dhe larg vëmendjes mediatike.
Pas përfundimit të ceremonisë zyrtare ajo ka shkuar në shtëpi, ka pastruar grimin, ka veshur një palë rroba pambuku dhe si një studente që është, pavarësisht që tashmë thuhet që ajo do të jetë Zonjë e Parë, i ka bërë një foto vetes, pa filtër madje, që e ka publikuar… “Chilling pa make up”, shkruan ajo. Është aq e re sa nuk ka nevojë as për make up as për filtra…por me siguri me statusin e ri nuk do ta ketë gjithmonë këtë liri. /opinion.al
