Reshjet e borës që kanë rënë ditët e fundit në vend kanë përfshirë edhe Tiranën. Mbrëmjen e sotme, e mërkurë, në kryeqytet kanë nisur të bien reshje bore, të cilat gjithsesi nuk kanë qenë të dendura.
Por, një fenomeni të tillë natyror, qytetarë të ndryshëm i janë gëzuar pamasë, gjë që shprehet mjaft mirë nga fotot e shumta të postuara në rrjete të ndryshme sociale.
Mësohet se reshjet e borës nuk kanë nisur të bien vetëm në Tiranë, sonte, por si rrallë ndonjëherë edhe qytete si Durrësi, Elbasani dhe Fieri janë përfshirë nga reshjet e dëborës.
Dëbora e fundit e vërtetë dhe që mbajti në Tiranë ka rënë në 11 Janar 1985. Pas 32 vjetësh, sot, 11 Janar 2017, bie përsëri në Tiranë.
