Ata ishin një familje e lumtur, deri ditën e zezë të 8 gushtit, kur makina përplasi Valbona Ndreajn bashkë me dy vajzat e saj të mitura. Esmeralda, 7 vjece (vajza që shihni në foto) nuk mundi tu mbijetonte plagëve duke humbur jetën në vend. Ndërsa nëna me vajzën e vogël, u transportuan në spital në gjendje të rëndë ku ndodhen edhe sot. I ati, Feriti e shfaqte gjithë gëzimin që i dhuronin 3 fëmijët e tij (dy vajza, 1 djale) në facebook, nga ku nisemi për ta përshkruar si një “familje e lumtur”… Kjo i përket së kaluarës! Tashmë, ai në facebook ka shpërndarë njoftimin e kobshëm për humbjen e vajzës së madhe.
Postimi i Feritit ne facebook më 9 Gusht
Postimi për Esmeralden e ndjere, teksa ajo kendonte në festen e Abetares
Sot Feriti ankohet për shëndetin e gruas dhe të vajzës së vogël. “Nuk janë në gjendje aspak të mirë. “Vajza e plagosur nuk ngrihet dot në këmbë. Ka dëmtime të trurit dhe kockave. Gruaja dhe vajza janë akoma të traumatizuara nga ngjarja. Nuk na ka ardhur asnjë psikolog për ndihmë,” tha Feriti për “News 24”.
Ngjarja
Rreth orës 08:30 të datës 8 Gusht, Valbona Ndreaj po shkonte të vizitonte vajzat tek mjeku. Teksa kishte zbritur nga urbani dhe kalonte nga njëra anë e rrugës në tjetrën (në trafik-ndarëse), një makinë i merr përpara duke i përplasur në asfalt. Më pas u mësua se në drejtim të mjetit ishte Rezina Koleci. Ajo humbi drejtimin e mjetit në momentin që i doli një biçikletë përpara. Pasi përplasi për vdekje 57 vjecarin Ramazan Isha, drejtuesja e Benz-it përplasi edhe Valbonën me dy vajzat. Në polici ajo ka thënë se nuk munda të frenoj pasi ngatërrova pedalet (frenat me gazin). Rezina Koleci po mbahet nën masën e sigurisë “arrest me burg” deri në mbylljen e hetimeve nga prokuroria. /Opinion.al
*Foto te aksidentit fatal ne koder Kamëz
