Dita e sotme është një ditë e shënuar për besimtarët e krishterë. Ata festojnë Ditën e Ujit të Bekuar dhe në të gjithë vendin zhvillohet ceremonia e hedhjes së kryqit në ujë.
Në fotot e mëposhtme të publikuara nga media lokale në Sarandë shihen të rinjtë që kanë “sfiduar” të ftohtin e këtyre ditëve për të kapur kryqin.
Edhe për këtë vit ai që arriti të kapte kryqin në Sarande ishte Kristaq Qose.
Sipas Biblës, kjo ditë përkon me mbrëmjen kur tre dijetarë panë në qiellin e Betlehemit në Jeruzalem, yllin, i cili paralajmëronte lindjen e Birit të Zotit, Jezu Krishtit. Të tre dijetarët, Melchiorri, Baldassari dhe Gasperi, u nisën nga vende të ndryshme për të parë dhe për t’i ofruar dhuratat e tyre Jezu Krishtit fëmijë.
Në lidhje me këtë festë ka lindur shumë kohë më parë, në disa vise të Italisë, edhe legjenda e Befanës. Që atëherë kjo festë, është bërë e rëndësishme dhe e shumëpritur nga fëmijët. Befana përfaqëson një plakë të shëmtuar, e cila tremb fëmijët me pamjen e saj, por në të njëjtën kohë ajo është edhe zemërmirë, sepse i jep atyre dhurata. Kjo ditë rifilloi të kremtohej në Shqipëri vetëm pas viteve ’90-të. Për shumë vite gjatë sistemit komunist ajo konsiderohej një festë e ndaluar.
