Në barin Cafe 56 në Kleinbasel, (Bazel, Zvicër) të enjten u vranë dy shqiptar dhe njëri u plagos rëndë. Mediat lokale kanë bërë të ditur identitetin e tyre.
Ngjarja e rëndë ndodhi në lokalin e Skënder I. nga Maqedonia në rrugën Erlenstrasse pak përpara orës 20:00. Sipas Prokurorisë së Bazel, dy burra kanë hap zjarr kundër klientëve të lokalit dhe u larguan menjëherë.
Ata janë ende në arrati, ndërsa lanë të vdekur 28-vjeçarin Mirjan B. dhe 39 vjeçarin Gent S.. I plagosuri rëndë që ndodhet jashtë rrezikut për jetë është 24-vjeçari Festim D., shkruan “20min”.
Viktimat dhe i plagosuri ishin shokë, ndërsa fotoja ku shfaqen bashkë është shkrepur disa ditë përpara sulmit në “Cafe 56”.
I afërmi i Mirjanit është shprehur se nuk i di arsyet e sulmit dhe thotë se e gjithë familja e tij është befasuar: “Për të tjerët ai jepte edhe kafshatën e fundit. Ishte mjaft miqësor”.
Ndër të tjera mësohet se personi që ka hapur zjarr në drejtim të tavolinës ku qëndronin shqiptarët ka qëlluar në fillim Festimin, ndërsa Mirjani ngrihet në këmbë për t’i marrë armën, por goditet për vdekje bashkë me Gentin.
Shqiptarët qëndronin si turistë në Zvicër. Dyshohet se edhe autorët mund të jenë shqiptarë
“Cafe 56”, njihej si një vend-takimi për shqiptarët e zones dhe më përpara njihej edhe si vend ku shpërndahej drogë.
