Pas divorcit, aktorja e famshme, Angelina Jolie, pothuajse nuk del në publik. Megjithatë, ajo është fotografuar në shopping me fëmijën e saj.
Për divorcin e çiftit të famshëm në Hollywood flitet tash e tre muaj. Megjithatë, Angelina Jolie dhe Brad Pitt nuk pushojnë që t’i japin shkas mediave që për ta të shkruhet përsëri. Edhe pse kemi pasur shanse që të shohim Brad të rinuar, Angelina vazhdimisht po i fshihet nga kamerat.
Megjithatë, një person ka arritur që fshehurazi t’a kap atë në foto ndërkohë që ishte duke bërë shopping me vajzën e saj biologjike. Sipas burimeve të Us Weekly aktorja ka blerë një aparat fotografik për Shiloh. Angie ishte e veshur në të zeza, me flokët e saj në një formë bishti dhe me syze dielli. E vetmja gjë që mund të vërehet është se ajo është shumë e dobët.
Është interesant se në të njëjtën ditë kur ajo u vërejt, ishte ditëlindja e ish bashkëshortit të saj, Brad Pitt.
