Çifti i njohur i showbizit shqiptar Alban Skënderaj dhe Miriam Cani janë lidhur në martesë në fshehtësi të plotë si dhe mijëra kilometra larg Shqipërisë.
Përmes disa fotove të publikuara këtë të dielë çifti bëri të ditur se i kanë thënë “Po” njëri-tjetrit në Maldive më 7 maj.
Është pikërisht ky vendi që në vitin 2013 Albani i ka propozuar Miriamit. Të veshur më të bardha në një ceremoni mjaft romantike në plazh, ata kanë kurorëzuar në martesë historinë e tyre 12-vjeçare të dashurisë.
Dëshmitare e këtij momenti është bërë e vogla e tyre Ameli, e cila gjithashtu ishte e veshur e tëra me të bardha.
“PO!
U deshen 12 vite qe te quheshim zyrtarisht Burre e Grua por ne zemer kemi qene dhe jemi ende ata dy te rinj endrrimtare qe pertej ceremonive gjithmone e kane ndjere thelle ne shpirt se jane bere per njeri-tjetrin.
U deshen 12 vite te thonim PO perpara Zotit dhe njerezve qe na duan por ne te vertete zemrat kane thene pergjithmone PO nga momenti i puthjes se pare!
U deshen 12 vite te vishnim kostumin dhe fustanin e nuserise e te shkembenim unazat kur nderkohe kemi jetuar nen lekuren e njeri-tjetrit cdo gezim e hidherim dhe kemi ndare cdo te mire e te keqe qe jeta na ka ofruar.
Fati dhe shpirti donin qe ky moment i shenuar te merrte jete pikerisht aty ku ne vitin 2013 ai propozim i pazakonte na la per pak pa fryme te dyve, por kete here jo ne boten e magjishme nenujore por vetem pak metra me larg, ne siperfaqen e nje ishulli te pa banuar. Nje pike e bardhe ne mes te oqeanit. Zhveshur nga te gjitha dekoret e krijuara nga dora e njeriut dhe veshur nga bukurite perrallore qe ka krijuar dora e Zotit.
Duhet te prisnim 12 vite qe kjo dite te merrte kuptimin e plote te saj me prezencen e engjellit tone, Amelise.
PO … deri sa vdekja te na ndaje! 7 Maj, 2019,”-ishin fjalët që çifti i këngëtarëve i kanë dedikuar njëri-tjetrit përmes fotove të ndara në rrjete sociale./Opinion.al/
