Një makinë u përfshi në aksident mëngjesin e sotëm në autostradën Tiranë-Durrës, pranë mbikalimit të Sukthit. Përplasja ka qenë e fuqishme, ku siç shihet dhe në foto mjeti është përmbysur në autostradë.
Makina është përmbysur në afërsi të Sukthit, duke bllokuar për shumë minuta trafikun lëvizës nga Tirana në drejtim të Durrësit.
Nga konstatimet e para, mësohet se ka patur vetëm dëme materiale dhe lëndim i lehtë për drejtuesin e mjetit.
Makina, pasi është përplasur me trafikndarësen është përmbysur, ndërsa pjesë të saj janë shpërndarë në të gjithë korsinë.
