Kohët e fundit po përflitet në media online se kryebashkiaku i Tiranës, Erion Veliaj dhe bashkëshortja e tij Ajola Xoxa janë në pritje të një fëmije.
E gjithë kjo nisi pas deklaratës së Veliaj në emisionin e Rudina Magjistarit ku ka shprehur dëshirën për të patur një fëmijë në vitin 2017. Sipas tij ky ishte një prej planeve të çiftit për vitin e ardhshëm.
Menjëherë pas kësaj është përfolur se Ajola mund të jetë 5 muajsh shtatzënë. Madje thuhet se kryetari i Bashkisë së Tiranës ka fshirë të gjitha fotot ku asaj i dukej barku i fryrë.
Megjithatë sot ka ardhur edhe përgjigja e Ajolës lidhur m këtë lajm.
“Jo zemër nuk jam shtatzënë, është një gënjeshtër e madhe. E pashë lajmin por nuk thonë kështu. Marrin si bazë një intervistë të Erionit ku tha se e kemi në plan për 2017 që edhe ky plani i tij është dmth. Dhe madje i kanë të gjitha infot gabim, ne sigurisht që nuk kemi 16 vite bashkë, se nuk jemi lidhur kur unë isha 15 vjeç dhe Erioni nuk ka hequr nga FB asnjë foto ku dukej gjasme “barku i rrumbullakosur”. Ka përfunduar gazetaria në nivele të frikshme sajesash”.- ka shkruar ajo në mesazhit që i ka dërguar gazetares duke hedhur poshtë të gjitha zërat.
