Pas afro dy vitesh lidhje, tashmë ai është i bindur, Afrona Dika është femra me të cilën do të shkojë në altar për së dyti herë.
Këngëtari Blero Muharremi do të martohet me të dashurën e tij modele Afrona Dika.
“Unë thashë po. E dua burrin tim të ardhshëm”, shkruan Afrona në dy fotografi të publikuara në Instagram, ku shihet me një trëndafil të kuq në duar, ndërsa jep lajmin e madh.
Blero dhe Afrona janë bashkë prej thuajse dy vitesh, por për shkak të angazhimeve të të dyve, shpesh e gjejnë veten larg njeri tjetrit. Këngëtari ka lënë pas një martesë të dështuar me aktoren Teuta Krasniqi, nga e cila është bërë baba i vogëlushes me emrin Tara.
