Kanë mbërritur në Tiranë pak ditë më parë dy agjentë të FBI që do të asistojnë policinë shqiptare në luftën kur trafiqeve dhe krimit të organizuar.
Sot ata kanë takuar drejtorin e përgjithshëm të Policisë së Shtetit Haki Çako dhe Shefin e Hetimit, Idajet Faskaj.
Përmes një njoftimi për mediat, Policia e Shtetit thotë se:
“Gjatë takimit me dy përfaqësuesit e FBI-së, Atasheun e FBI/LEGAT Jack Liao dhe Mark Neëhouse, Agjent Special i FBI-së, i specializuar për hetimin e krimit të organizuar u fol për bashkëpunimin e Policisë shqipatre me FBI-në. Ata do të punojnë sëbashku në luftën kundër terrorizmit, si dhe lufta kundër kultivimit dhe trafikimit të kanabisit”.
Në takim u konfirmua vullneti i zyrtarëve amerikanë për të ndihmuar Policinë shqiptare kundër krimit të organizuar dhe në mënyrë specifike kundër krimit financiar, transfertave të paligjshme dhe aseteve të ardhura nga aktivitete kriminale.
Më pas zyrtarët e FBI-së janë takuar me Drejtorin e Departamentit për Hetimin e Krimit të Organizuar dhe Krimet e Rënda, Idajet Faskaj.
Takimet e këtij delegacioni do të vazhdojnë gjatë ditëve të ardhshme edhe me zyrtarë të tjerë të shtetit shqiptar.
