Lajmi se modelja shqiptare Afërdita Dreshaj u nda pas tre vitesh lidhje me sportistin milioner Jakub Kindl, bëri xhiron e mediave rozë gati dy javë më parë. Ata kishin kohë që nuk shfaqeshin së bashku në publik dhe mungonin fotot e përbashkëta nga profilet e të dyve në Instagram.
Ndarjen e tyre e kishin pohuar edhe miq të Afërditës. Megjithatë, një foto e publikuar nga ana e lojtarit të hokejit, në SnapChat tregon të kundërtën. Ai ka ndarë me fansat një moment nga darka e tyre.
Mesa duket çifti është ribashkuar, pas një kohë të shkurtër pauze. Ekziston mundësia që ndarja e tyre të mos ketë qenë kurrë reale, megjithëse ata nuk i hodhën poshtë fjalët që thuheshin.
