Mario Gomez është martuar nën frikën e sulmeve, që shkaktuan viktima të shtunën në Mynih. Pra, sulmuesi i njohur gjerman ka zgjedhur një ditë fatkeqe për ta djegur shaminë e beqarit. Ndërkombëtari gjerman, që u lëndua në finalet e “Euro 2016”, u shfaq mahnitës përkrah nuses së tij, Carina Wanzung, e veshur me të bardha, në të njëjtën ditë kur nëntë persona u vranë nga një person i armatosur, në një qendër tregtare në Mynih. Gomez shënoi dy herë në “Euro 2016” për “Die Mannschaft”. 37-vjeçari, futbollist, dhe modelja Carina, 31 vjeçe, janë së bashku prej tri vitesh e gjysmë, përpara se të martoheshin dje, në një ceremoni civile, në një zyrë të gjendjes civile, në Mynih.
Të mërkurën Gomez njoftoi se nuk do të vazhdojë huazimin te Besiktas për shkak të situatës politike në Turqi. Sulmuesi gjerman shënoi 28 gola në 41 ndeshje për klubin e Stambollit, ndërsa mbërriti atje në formën e huazimit nga Fiorentina. Po ashtu, ai fitoi titullin në Turqi, sezonin e kaluar. Marrëveshja përfshinte mundësinë për të qëndruar te Besiktas, por Gomez ka vendosur kundër. Ish-golashënuesi i spikatur i Bayern Munich ka qenë i lidhur me një kalim te West Ham këtë verë, por akoma nuk ka gjë përfundimtare.
