Katër prokurorë të tjerë kanë aplikuar sot për të qenë pjesë e SPAK. Ata janë Prokurori i Apelit në Tiranë Altin Dumani, prokurorja e Durrësit, Eneleda Osmani (Xhengo) dhe dy prokuroret e Tiranës Elkeleda Millonai dhe Elida Kackini (Celami).
Numri i aplikantëve deri më tani shkon 18 prokurorë, për 15 vende. Afati final për aplikimet fillimisht ishte 6 shkurti, por më pas u shty për në datën 21 shkurt.
SPAK është “Struktura e Posaçme kundër Korrupsionit dhe Krimit të Organizuar”. Për këtë pozicion mund të kandidojnë të gjithë prokurorët që kanë mbi 10 vite eksperiencë dhe nuk kanë pasur masë disiplinore në fuqi.
