SHKODËR- Sot ka qenë ambasadori italian Alberto Cutillo që ka deklaruar nga Shkodra se reforma në drejtësi duhet të bëhet sa më shpejt me bashkëpunimin e të gjitha forcave politike. Cutillo i bashkohet “forcës së ambasadorëve” që apelojnë çdo ditë për çrrënjosjen e korrupsionit në radhët e drejtësisë. Deklarata e tij vjen pas asaj të ambasadorit amerikan, Donald Lu, ambasadores së BE, Vlahutin, ambasadorit të OSBE, Raunig dhe atij britanik Cannon.
“Mbështesim Shqipërinë, në procesin integrues. Rruga e reformave është e vështirë. Reforma më e rëndësishme është ajo në drejtësi. Duhet bashkëpunimi i të
gjitha forcave politike. Reforma në Drejtësi duhet të bëhet sa më shpejt. Sistemi i drejtësisë duhet të pastrohet”, tha Cutillo.
