Prestigjozja “Forbes” i ka kushtuar një artikull të gjatë këngëtares, Bleona Qereti. “E njohur si Madonna shqiptare ajo ka lancuar 8 albume, duke shitur 1.5 milion kopje, dhe ka pozuar në më shumë se 35 kopertina” kështu e nis shkrimin e tij. Seamus Krist.
Por sipas tij ajo që e bënë edhe më interesante vajzën seksi shqiptare është fakti që ajo është një femër e pavarur, duke përdorur për muzikën të gjitha të ardhurat e saj.
“Duke përdorur të ardhurat e mia në vend të atyre të “labelit”, unë ndihem si bosja e vetes sime”, thotë Bleona duke shtuar se “në këtë mënyrë ka edhe një kontroll shumë të madh mbi muzikën, stilin pra gjithë tregun global”.
Bleona sqaron se të jesh pjesë e një labeli nuk do të thotë të jesh e pavarur, pasi çdo kompani ka priorietet dhe qëllimet e saj, ndërsa në rastin e saj ajo është vetë priroritet.
Në shkrim bëhet edhe një përmbledhje e karrierës së këngëtares, duke përmendur hap pas hapi të gjitha arritjet e saj.
“Kam dashur gjithnjë të jem një artiste rebele. “Isha vetëm 15 vjeç kur hipa për herë të parë në skenën e Festivalit më të rëndësishëm kombëtar shqiptar. E veshur me një kostum blu lëkure, isha e lidhur me tela telefoni të cilat i hoqa gjatë performancës sime, të nesërmen e gjeta veten në faqen e parë të gazetave”, thotë Bleona.
Pas suksesit në Shqipëri dhe tureve nëpër Europë Bleona vendosi të provonte suksesin edhe në Amerikë. Sot ajo është shumë popullore në rrjetet sociale me mbi 800 mijë ndjekës në Facebook, 200 mijë në Instagram dhe më shumë se 140 mijë të “Bleonaires” në Twitter.
Ajo ka folur për bashkëpunimet e saj të para me Timbaland si dhe për albumin e ri, të cilin ja ka besuar Rodney, Fuegos dhe Roccstar.
Sipas Forbes artistja e pavaruar shqiptare, ka qenë pjesë e X-Factor Albania si dhe një nga protagonistet e reality show-t, “Euros of Hollywood”.
- Artikullin origjinal e gjeni ne kete link http://www.forbes.com/sites/seamuskirst/2016/02/01/bleona-qereti-the-self-funded-independent-pop-star/#3cc7ac2b4f08
