Polonia dhe Hungaria janë duke mbajtur ‘peng’ Bashkimin Europian për buxhetin dhe krijimin e fondit të rimëkëmbjes.
Një zyrtar i lartë i BE-së është shprehur se, nëse dy vendet nuk do të heqin veton e tyre për votimin e buxhetit dhe krijimin e fondit deri ditën e nesërme, do t’u duhet të vazhdojnë pa to.
“Ne duhet të kemi një marrëveshje nga Hungaria dhe Polonia deri sot ose nesër. Nëse nuk e bëjmë këtë, do të duhet të kalojmë në skenarin B, ”tha diplomati i BE për Reuters.
Skenari B nënkupton ngritjen e fondit të rigjenerimit prej 750 miliardë eurove të BE-së për grante dhe hua për vetëm 25 shtete anëtare, pa Poloninë dhe Hungarinë.
Sipas këtij skenari, buxheti i ardhshëm afatgjatë i BE prej 1.1 trilionë eurosh do të mbetej i bllokuar. BE do të financohej përmes një buxheti të përkohshëm në 2021 që do të ndalonte shpenzimet për projekte të reja duke penalizuar dhe projektet aktuale.
Kalimin në skenarin B të parashikuar nga Bashkimi Europian do të prekte gjithë shtetet anëtare të saj, por kjo do të ishte më e ndjeshme për Hungarinë dhe Polonin. Këto dy vendet janë dy nga përfitueset më të mëdha prej fondeve por edhe ndihmave që jep BE./ Opinion.al
