Policia e Shtetit ka zhvilluar një operacion të shtrirë në Krujë, Kurbin, Mirditë, Vau i Dejës dhe në Shosh, Shkodër, me qëllim goditjen e veprimtarisë krimianle në fushën e kultivimit të bimëve narkotike.
Në operacion janë përfishrë 210 forca policore, të Forcës së Posaçme “Shqiponja” dhe grupe të FNSH-së.
Gjithashtu janë përdorur 12 dronë të Policisë për kontrollin e zonave të thella malore e ato me terren të vështirë.
Gjatë operacionit janë evdientuar dhe asgjësuar 3095 bimë e fidnanë cannabis sativa, ndërsa janë shpallur në kërkim policor 8 persona si të dyshuar të implikuar në këtë veprimtari kriminale.
Konkretisht në Krujë: Gjatë kontrollit në territorin e fshatit Bruz Zall, Njësia Administrative Cudhi u gjetën dhe u asgjësuan 300 bimë narkotike të dyshuara cannabis sativa.
Në Lezhë: Gjatë kontrollit në zonën e quajtur “Bjeshkët e Kaçinarit” në Njësinë Administrative Kaçinar në Mirditë u gjetën dhe u asgjësuan 500 bimë dhe 1600 fidanë të kultivuar në kubikë, të dyshuar cannabis sativa.
Gjithashtu, edhe nga shërbimet e Komisariatit të Policisë Kurbin, u gjetën dhe asgjësuan 241 bimë të dyshuara cannabis sativa në fshatin Kuqna të njësisë administrative Milot, si dhe 16 bimë të tjera të dyshuara cannabis sativa në fshatin Zhejë të njësisë administrative Mamurras.
Në Shkodër: Gjatë kontrollit në fshatin Dardhë, Njësia Administrative Shosh, Shkodër, u gjetën dhe u asgjësuan 180 bimë narkotike të dyshuara Cannabis Sattiva.
Në Vaun e Dejes, në fshatin Dush, Njësia Administrative Vau i Dejës, u gjetën dhe u asgjësuan 200 bimë narkotike të dyshuara cannabis sativa.
Po në Vaun e Dejëa, në fshatin Vig, janë gjetur dhe asgjësuar 58 bimë narkotike të dyshuara cannabis sativa.
Policia bën me dije se bazuar në inteligjencën policore, kanë shpallur në kërkim policor 8 shtetas të dyshuar si të implikuar në këtë veprimtrai kriminale dhe vijon puna për shoqërimin e tyre me qëllim sqarimin e pozitës së tyre, të implikuar ose jo, në këtë veprimtari kriminale./Opinion.al
