Ditët e pushimit në Shqipëri emigrantët i shfrytëzojnë për të kryer edhe disa veprine në zyrat e shtetit, ku ndeshin gjithnjë në radhë të gjata. Kështu ndodh në zyrat e ALUIZNI-t, ku me qindra qytetarë kërkojnë të legalizojnë banesat e tyre.
Drejtori i ALUIZNIT Artan Lame tha për Ora News se për t’u ardhur në ndihmë emigrantëve janë hapur sportele të veçanta dhe i është dhënë përparësi në trajtimin e dosjeve. “Procedura e përshpejtuar ka të bëjë më tepër me preferencën të themi me trajtim se sa më dokumentacionin e brendshëm. Natyrisht, dokumentacioni është i njëjtë për të gjithë”, u shpreh ai. Por edhe pse Lame thotë se kanë përparësi, vetë emigrantët shprehet të pakënaqur. Sipas tyre nuk ka rregull. Vijnë nga jashtë dhe ndeshen në tjetër realitet.
