Floriana Garo, e njohur edhe si moderatorja dhe gazetarja e emisionit “Jo vetëm modë”, ka përjetuar sot disa nga momentet shumë emocionuese dhe të gëzueshme.
Mësuesi i njohur në Durrës, Sofokli Garo, është nderuar këtë 7 mars me titullin “Nderi i qytetit”, një çmim i akorduar nga kryebashkiaku i Durrësit, Vangjush Dako.
Por si e ka përjetuar këtë titull të rëndësishëm bija e profesorit të nderuar, Floriana? Sigurisht që e përshkruar nga emocione të mëdha.
Në një prononcim për “DurrësLajm”, ajo tregoi se gjatë ditës së sotme është ndjerë më e emocionuar dhe më krenare se kurrë më parë.
“Jam më shumë e emocionuar për babin, sesa kam qenë ndonjëherë për veten time në çdo dalje publike që kam pasur. Jam e lumtur që më në fund iu njohën meritat e një jete në fushën e mësimdhënies”, tha moderatorja bukuroshe.
Për Florianën, babai i saj ka qenë shembulli më i mirë dhe motivimi i saj për të synuar për më të mirën dhe për të mos u dorëzuar kurrë!
