Florian Agalliu u bë i njohur për publikun falë serialit “Komuna e Parisit”, edhe pse nuk bëri bujë të madhe. Më pas ai ka qenë në drejtimin e disa prej formateve të ndryshme televizive. Tashmë, pas largimit nga “Vizion Plus”, Agalliu do të jetë pjesë e stafit të “Top Channel” ku mësohet se do të drejtojë përkrah Anjeza Majës emisionin “Në shtëpinë tonë”.
Këtë e ka rrëfyer në një intervistë për revistën “Who” . Ipyetur nëse e ka problem apo jo faktin që programi televiziv ku do e shohim mban autorësinë e gruas së tij ai u shpreh:
“Është e vërtetë, për Renisën ky do të jetë viti i tretë si autore e këtij emisioni. Eshtë një format shumë i ndjekur dhe ka një target grup shumë të madh. Për mua nuk do të jetë hera e parë që do të punojmë bashkë. Kemi punuar dhe herë të tjera bashkë në “Top Channel”. Gjërat i kemi të ndara dhe secili ka pozicionin e vet. Nuk do të pretendoja kurrë të hyja në kompetencat e saja sikundër ajo në të miat. Dhe mendoj që ka për të qenë shumë mirë! Ajo do të kujdeset që në asnjë moment të mos harroje të më flasë për punën…”-u përgjigj ai
Çifti ka edhe një vajzë të vogël, e cila kërkon kujdes pavarësisht impenjimeve të tyre në punë. Por duket se zgjidhja është gjetur
“Kemi tre filipineze në shtëpi që do të kujdesen për të… Nuk di si do t’ia bëjmë por di se si ja kanë bërë prindërit tanë. Kanë sakrifikuar shumë!”-shprehet ai.
